Framleis finst det menneske som vel å leve i einsemd, milevis frå næraste granne. Somme er fødde og oppvaksne på desse stadene og ønskjer å bli verande. Andre har brote med sitt tidlegare liv og flytt til ein utpost. Ikke alle trivst med å ha asfalt under føtene eller å vere slavar under kloka og maskinen. Derfor har dei søkt freden og fridommen i ein fjern avkrok.

«Der ingen skulle tru at nokon kunne bu» er blitt ein av dei mest  populære TV-seriane vi har. I denne boka, som er skriven av programskaparen Oddgeir Bruaset, vil ikkje lesaren berre møte att stader og menneske han kjenner frå skjermen, men oppdage nye, spennande sider ved dei. Her er muntre historier og gripande lagnader om kvarandre.